1887ko martxoaren 31n Donostian jaioa, Usandizaga euskal musikagilerik handienetakoa izan zen. Hamalau urte zituela Parisera joan zen musika ikasketak egitera eta Frantziatik bueltan konposatzeari ekin zion: “Bidasoa”, “Euska festara”, “Euskal Fantasia”, “Mendi mendiyan”… Pieza ugari sortu zituen, gehienak euskaraz. 1914an Usandizagak “Las Golondrinas” estreinatu zuen Madrilen, arrakasta handiz. Adituen esanetan, ordea, donostiarra orduan hasi zen euskal musikatik aldentzen. Kritika asko entzun behar zituen horregatik, baina hala ere, herriak ez zion bizkarra eman. Usandizaga 28 urte zituela hil zen, eta gaur egun kale batek eta institutu batek bere izena dute.