1)
Gitarra zahartxo bat da
neretzat laguna,
honela ibiltzen da
artista euskalduna. (bis)
Egun batean pobre
beste batez jauna,
kantari pasatzen det
nik beti eguna.

2)
Naiz dala Italia
oro bat Frantzia,
bitan bilatu det
anitz malizia, (bis)
ikusten badet ere
nik mundu guzia,
beti maitatuko det
Euskal Herria!

3)
Jaunak ematen badit
neri osasuna,
izango det oraindik
andregai bat ona; (bis)
hemen badet franzesa
interesa duna,
baina nik nahiago det
hutsik euskalduna.

4)
Agur Euskal Herria
ez baina ez betiko,
bost edo sei urtean
ez det ikusiko... (bis)
jaunari eskatzen det
grazia emateko,
nere lur maite hontan
bizia uzteko.