Askotan entzun ohi dugu Gipuzkoako edozein tokitan jaten dela ondo. Gure herrialdeko betiko sukaldaritzari buruz ari dira, ondo aurkeztutako sukaldaritza, maitasun handiz egina eta familia giroan zerbitzatua.

Gastronomia elkarte eta txoko ezagunek ere lagundu egiten dute horretan. Bertan lagunarteko giroa ikusten da, janariak ondo prestatzen dira eta aintzat hartzen da «sormen gaitasuna».

Eta azkenik, herrialde osoan barreiatutako gure jatetxeak aipatu behar, Gipuzkoako sukaldaritza goren gorenean jartzen dutenak. Jatetxeok Gipuzkoa mundu osoan famatzen dute, gure sukaldaritzaren kalitatea agerian utziz. Jatetxe gidetan lortutako sailkapenak horren lekuko.

Honelako goraipamenak egiteko orduan, ezin gure eguneroko bezeroak ahaztu. Beraiek dira hau guztiaren motorra, adituak, gourdmand zorrotzak.

Honi guztiari eta musika, artea, industria eta abarrei esker, Gipuzkoa munduan izan daitekeen lekurik ederrena da. Gure herria harro egon daiteke horretaz.

ERREZETAK

Txipiroiak tintan

Osagaiak:

Lau lagunentzat:

• Garbitutako eta txikitutako kilo erdi txipiroi.
• Tipula handi bat.
• 2 tomate heldu handi.
• Baratxuri ale bat.
• Bezperako ogi gogor pusketa bat, xerratan moztua.
• Urdaiazpiko on baten hezurra.
• Txipiroi tinta (lau sobre).
• Arrain salda (litro erdi gutxi gora behera).
• Olioa.
• Gatza.

Nola egin:

1. Kazola batean olioa jarri. Baratxuria bota eta ondoren, tipula txiki-txiki eginda eta urdaiazpiko hezurra. Frijitzen utzi.

2. Beste eltze batean lau ogi xerra frijitu. Gorritzen utzi eta kazolan jarri.

3. Tomatea eta ardo txuri pixka batekin nahastutako tinta gehitu.

4. Frijitzen utzi eta arrain salda pittin bat bota.

5. Gatza bota eta egosten utzi ordu erdiz.

6. Saltsa iragazi.

7. Aldez aurretik betetako eta urre kolorea hartu arte olioaz salteatutako txipiroiak gehitu.

8. Ordu erdiz txipiroiak saltsan egosten utzi.

9. Txigortutako ogi pusketekin zerbitzatu.

Gratinatutako txangurroa donostiar erara

Osagaiak:

Bi lagunentzat:

• Txikitutako eta egositako 2 txangurro handi.
• Tipula bat, txiki-txiki eginda.
• Baratxuri bat, txiki-txiki eginda.
• Kopa bat cognac.
• Edalontzi bat ardo txuri.
• 3 dezilitro tomate saltsa.
• Cayena eta esnegaina.
• Provençal pixka bat(birrindutako ogia, txikitutako perexila eta txikitutako baratxuria).
• Gatza, pìperbeltza eta olioa.

Nola egin:

1. Kazola batean olioa jarri eta tipula eta baratxuria frijitu.

2. Txangurroa jarri, frijitu, cocgnac pittin batean sutu eta ardo txuriarekin busti.

3. Frijitu eta tomatea gehitu.

4. Poliki-poliki irakiten utzi, gatza eta piperbeltza bota eta cayenaz usaingozatu.

5. Txangurroarekin bete txangurro azalak eta Provençal pixka batekin hautseztatu.

6. Gratinatu urre kolorea lortu arte,Provençalen gainean botako dugun urtutako gurin pixka batekin.