2000ko udaberrian hasi ginen Bageran "Elkargunea" deitu genion egitasmoa finkatu eta martxan jartzen. Asmoa Donostiako euskalgintzako erakunde, talde, batzorde eta antzekoek elkarren berri izan eta amankomunean jarduteko aukerak aztertzea zen. Bilerak egiten ari ginen neurrian baiezko jarrera nagusitzen hasi zen. Bien bitartean Kontseiluak Herrietako Plan Estrategikoa aurkezteko proposamena egin zigun eta Donostiako Euskalgintza osoari egitea egokia zela otu zitzaigun. Beraz, bilera horren prestaketan, EHE Donostiako Plan Orokorraren inguruan jarduteko aste berdinean Euskalgintza biltzeko asmoa zuela jakin eta elkarrekin bilera bat antolatu genuen. 2000ko urriaren 27an izan zen lehen bilera hori. Ondoren lau bilera orokor eta hainbat azpi-bilera egin dira (ikusi aktak eta testuak). Une honetan gai Plan Orokorra eta Plan Estrategikoaren jarraipena, Erasoen aurreko estrategia amankomuna eta Euskaltzaleen Jaia dira eskuartean ditugun gaiak. Gainera laster bilkura honi izena eta eduki formala emango diogu.