BAGERAren Asteazken Kulturalen baitan "euskara eta euskal kultura interneten" izango dugu mintzagai ekainaren 16an, Koldo Mitxelena Kulturunean, arratsaldeko 19:30ean.

Hizlaria: Iratxe Esnaola Arrillaga (Informatikako ingeniaria eta Bipuntuzero.org ekimeneko kidea)

Interneteko Euskara eta Euskal Kulturaren Komunitatea aktiboa eta konprometitua da eta dinamismo horrek Interneteko euskarazko txokoa bizi mantentzen du. Baina Interneten, egotea baino, izatea garrantzitsuagoa da eta. ildo horretan, .eus domeinua Euskara eta Euskal Kulturaren Komunitatea zabaldu, sustatu eta indartzeko tresna bat izango da, Interneten egotetik izatera pasatzeko urratsa. .eus domeinua Euskara eta Euskal Kulturaren Komunitatearen Interneteko ikurra izango da, izanari izena emango diona eta hori da, hain zuzen, PuntuEus Elkartearen helburua:.eus domeinua lortzea.