Arrasaten ospatuko da aurten Mintza eguna ekainaren 6an, igandean. Urtero bezala sei mintzalagun sarituko dira eta horien artean gurean dabilen Gladys Villalva mintzalaguna. Duela 20 urte etorri zen Gladys Donostiara Ekuadorretik eta euskara ikasi zuen, BAGERAk mintzalaguna martxan jarri zuenetik dabil euskara ikasleak laguntzen eta aurtengo Mintza egunean Mintzalagunean egindako lanarengatik saria jasoko du.

Mintza eguneko egitaraua:

11:00etan Ongi etorria eta hamaiketakoa Biteri plazan

12:00etan Ibilaldi gidatua

13:30ean Kalejira

14:30ean Bazkaria Herriko plaza nagusian

15:30ean Sari banaketa

16:00ean Erromeria Kataia taldearekin

Arrasatera Mintza egunera joan nahi izanez gero, 30 euro (hamaiketakoa, bazkaria eta garraioa barne) 30350092570920042476 kontuan sartu behar da, maiatzaren 25a baino lehen. Irteera goizeko 09.30ean izango da Bulebarretik (udaletxe ondotik).