Bagera, Donostiako Euskaltzaleen Elkarteak erromeria egingo du Donostiako Udaleko Txistulari Taldearekin batera, Donostiako Udalak antolatzen dituen Euskal Jaien egitarauaren barruan.

Dantzak tankera guztietakoak izango dira: Baltsak, kontradantzak, kalejirak, fandangoak, arin arinak, pasodobleak, polkak, jotak.... Polka eta kontradantzetan, Fernando Ruizen laguntza izango dugu dantzen pausuak dantzatzeko. Bestetik, Udal Txistulari Taldearekin batera, Hernaniko dultzaineroen taldeko Iñaki Eguren eta Haritz Ezeizaren parte hartzea izango dugu. Ezeizak, albokarekin lagunduko ditu bi pieza eta ondoren, Egurenekin batera, dultzainaz lagunduko dituzte beste lau.

Datorren irailaren 6an, arratsaldeko 19'30etan, Donostiako Konstituzio Enparantzan burutuko da erromeria hau, dantzari beteranoen Soka dantzaren ondoren.

2008-09-06, larunbata. Konstituzio Plazan, 19'30etatik 21etara, Soka dantzaren ondoren. Aurkezle eta animatzaile: Fernando Ruiz. Jotzaileak: Donostiako Udaleko Txistulariak. “Hernaniko dultzaineroak” taldeko Iñaki Eguren eta Haritz Ezeiza. Haritzek alboka ere joko du. Antolatzaile: Bagera Euskara Elkartea.

PROGRAMA

1. Gora Baztan (biribilketa)
2. Belarrimotxarena (baltz-fandangoa)
3. Imotz (arin-arina)
4. Iturbe-Iturregi (polka)
5. Alboka eta txistu saioa: Jota eta porrue.
6. Ostalerrak (Muxikoa)
7. Laborda (polka)
8. Federiko (kontradantza)
9. Aurrekoarekin lotuta, Ikusi, mendizaleak (biribilketa)
10. Dultzaina eta txistu saioa:
    • Agirretxe (pasodoblea)
    • Txulalai
    • Zubizarretarena (arin-arina)
    • El limbo (murga-biribilketa)
11. Joxe Anton (fandangoa)
12. Baztango porrusalda
13. Los hermanos Anaiak
14. Iturengo zortzikoa
15. Iruñatarra (biribilketa)

BISEKOAK:

• Pozik gatoz (biribilketa).
• Saint Petrike.
• Galo/Amallo.
• Urdiain (jota).
• Zazpi lauzi.
• Txurkoene (Baltz-fandangoa).
• Guria (ari-arina).